剛睇完AC Nielsen 關於智能電話既報告，發現2011年係美國有大約44%人已正在使用智能電話做為日常必要既溝通工具，而使用量更以高速增長，而中國用戶(包括香港)既使量亦係呢兩年大幅度增長.有關報告大家可以參考下面網址http:// www. slideshare.net/victori98pt/state-of-mobile-q32011-by-nielsen

講返近年由於工作需要，我身上經常帶住兩個智能電話同一個iPad，而對週邊產品，由於有需求，平時都好留意，前個星期走去衛訊，買左個8000mAh既流動充電池產品，幾OK好用，事關佢容量夠大，充完電話重可以夠充個Galaxy Note，電量十足！


ProMini 8000,有8000mAh同有雙輸出，同系ProMini充電池電容量由2千幾mAh至4千/5千mAh型號都有，個盒寫住鋁合金制造既機身，睇落去又好成熟穩重咁，覺得好適合D office一族用.

  
有一年原廠保養服務。同埋呢款有兩個輸出，分別為5V / 1A及5V / 2.1A輸出，支援多種產品，例如iPhone 、Andriod智慧電話、iPad 、 PSP、 MP3、GPS、籃牙裝置等.
  

一電一袋、USB充電線、Micro USB充電線及PSP充電線。跟機送的iPhone充電線則要向鋪頭拿取！


面積都唔算大，盒上說明重量大約係192g，金屬外殼外形可話係比較華麗。用Lithium Polymer鋰電池，採用PTC smart chip保護功能，相對來說安全實用.


兩個分別為5V / 1A及5V / 2.1A既輸出，可以為唔同既智能電話、iPhone充電，而最特別係就算同時充電話同iPad或其他平版電腦等一齊充電，都可以維持到一邊係2.1A同一邊1A既輸出！比起市面上產品多數只能做到同時輸出時變做1A+1A，ProMini 8000既充電效果最為理想. 機身還算薄,只係15 mm厚，而同時為兩個智慧電話充電亦係一個非常方便既功能，對商務人士應該都幾有用.

8000mAh容量都算幾大woo,ching買左幾多錢呀？

實際可以充到幾多次?

$49x 入手~
單獨叉我部S3可以叉到4次滿電 ^_^